«Vy pieramahli, my viartajemsia» — pikietoŭcy nie puścili bajkieraŭ u restaran u Kurapatach FOTA
9 červienia hramadskija aktyvisty praciahnuli pikietavańnie restarana «Pajedziem pajadzim», jakaja znachodzicca na 51 kiłamietry kalcavoj darohi za 50 mietraŭ ad Kurapataŭ, piša Radyjo Svaboda.
U 12.30 try bajkiery ŭ čornych šlemach, na darahich matacykłach, u tym liku BMW, amal nie źnižajučy chutkaści pasprabavali prarvacca praź pikiet za bramu restarana.
U adkaz na słovy pikietoŭcaŭ, što tut achoŭnaja zona, bajkiery tolki naciskali na haz. Dvum udałosia prajechać praz natoŭp, ale treciaha pikietoŭcy ŭsio ž spynili.
Kiroŭca Alaksandr nie nazvaŭ svajho proźvišča i adrazu vyklikaŭ milicyju. Pikietoŭcaŭ jon prasiŭ nie čapać jahony darahi matacykł», a pra siabie skazaŭ, što jon «nie bahaty čałaviek, a narmalny». Pry hetym admoviŭsia źniać šlem.
Dyskusija praciahvałasia pakul nie źjaviŭsia narad DAI, ale vyśvietliłasia, što pratakoł milicyjanty musili b składać na bajkiera, jaki najechaŭ na nahu pikietoŭcu Alaksieju Turoviču.
«Nu, kali ŭžo milicyja ničoha nia moža zrabić, tady vy pieramahli, my viartajemsia», — skazaŭ Alaksandr, i ŭsia kampanija pakinuła terytoryju restarana. Pierad adjezdam Alaksandr znoŭ pieraviazaŭ styrno bajka hieorhijeŭskaj stužkaj, jakuju byli źniali pikietoŭcy.
