Vizit śpiecdakładčyka PARIE ŭ Biełaruś admianiajecca. Jon złamaŭ nahu
Śpiecdakładčyk pa Biełarusi Parłamienckaj asamblei Rady Jeŭropy Andrea Ryhoni nie zdoleŭ naviedać Minsk z zapłanavanym vizitam 6 červienia, piša Radyjo Svaboda.
«Pavodle tych dadzienych, jakija my atrymali z Parłamienckaj asamblei, spadar Ryhoni złamaŭ nahu. Z-za heta jon i admianiŭ vizyt» — paviedamiŭ siońnia kiraŭnik biełaruskaj delehacyi ŭ supracy z PARIE Andrej Navumovič.
Paŭnamoctvy Andrea Ryhoni pavinny byli skončycca naprykancy červienia. A abiracca śpiecdakładčykam pa Biełarusi jašče raz jon nie moh z-za taho, što statut PARIE zabaraniaje adnamu i tamu ž deputatu zajmać hetuju pasadu bolej za dva razy.
Da taho ž na apošnich parłamienckich vybarach u Italii Ryhoni nie abrali deputatam nacyjanalnaha parłamienta — abaviazkovaja ŭmova dla pracy ŭ PARIE.
Chto budzie novym śpiecdakładčykam pa Biełarusi ŭ PARIE, pakul nieviadoma. Pavodle nieaficyjnaj infarmacyi z Parłamienckaj asamblei, siarod najbolš vierahodnych pretendentaŭ deputaty ad Niderłandaŭ, Niamieččyny i Polščy.