Školnicy nie znajšłosia pary na vypuskny, tamu jana pajšła na jaho z kardonnym Deni De Vita. Akcior adreahavaŭ imhnienna FOTY
17-hadovaja žycharka Piensilvanii Elisan Kłos nie znajšła sabie pary na vypuskny bal. Dziaŭčyna nie razhubiłasia i vyrašyła, što jaje kavaleram budzie akcior Deni De Vita (zorka filmaŭ «Palot nad hniazdom ziaziuli», «Betmen viartajecca», sieryjała «Taksi» i inš.).
«Dvajnika» akciora Elisan znajšła na Amazon. Razam z kalaskaj dla jaho pieravozki pakupka kaštavała 100 dalaraŭ.
Pa słovach Elisan, siabry padtrymali jaje ideju, a mama była nastrojenaja skieptyčna. Dziaŭčyna adpraviłasia z «De Vita» na vypuskny, nadzieŭšy na jaho halštuk: jany tančyli i fatahrafavalisia ŭ fotabudcy. «Deni nie padobny da inšych ludziej. My nie spračajemsia i nie svarymsia», — raspaviała jana.
Reakcyja akciora nie prymusiła siabie čakać. Siońnia ŭ instahramie režysiora Roba Makełchani źjaviŭsia fotazdymak Deni razam z kardonnaj Elisan i podpisam: «Chej, Elisan. Čuŭ, ty ŭziała kardonnaha Deni na vypuskny. Voś supadzieńnie: jon uziaŭ kardonnuju Elisan u [bar] «Paddy's»».
De Vita razam ź dziaŭčynaj, jakaja ŭziała jaho kardonnaha «dvajnika» na svoj vypuskny.