Łukašenka pra rasijskich aŭtaraŭ, jakija ličać, što biełaruskaja ŭłada zabyłasia pra 9 Maja: Prydurki!
Alaksandr Łukašenka adkazaŭ na paprok adnaho z rasijskich infarmacyjnych resursaŭ, aŭtar jakoha śćviardžaŭ, što ŭ Biełarusi nibyta jość svaja pieramoha — 3 lipienia zamiest 9 maja.
Łukašenka patłumačyŭ, što vajskovyja parady ŭ Biełarusi ŭ jubilejnyja daty pravodziacca na 9 maja, a ŭ astatnija hady — 3 lipienia.
Čytajcie taksama: Łukašenka: Kamuści u Rasii karcić pryvatyzavać pieramohu ŭ Vialikaj Ajčynnaj vajnie
Lenta.ru: Biełaruskija ŭłady i ŭ traktoŭkach historyi imknucca dystancyjavacca ad Rasii
Pa jaho słovach, vieterany prosiać, kab čas praviadzieńnia paradu ŭ Rasii i Biełarusi nie supadaŭ. Heta, maŭlaŭ, dazvalaje pahladzieć tranślacyju na Krasnaj płoščy ŭ Maskvie.
«Dyk za što vy nas paprakajecie — za toje, što my ŭsioj krainaj hladzim na Krasnaj płoščy parad? Prydurki. Nie viedajuć situacyi ci nie cikaviacca. Ale, mnie zdajecca, znarok heta robiać. Heta ŭsio pad padstavaj pryvatyzavać pieramohu. Nielha hetaha rabić. Ja heta kažu ŭ hetych ścienach, dzie zahinuli ŭsie. Heta abjadnoŭvajučaja Pieramoha», — zajaviŭ Łukašenka, znachodziačysia na terytoryi Bresckaj krepaści.
