Vaš rataŭnik u haračaje nadvorje: najsmačniejšy chaładnik RECEPT
Našy prodki pakinuli nam pryŭkrasny sposab pieražyć śpioku: chałodnyja supy! Kali ničoha inšaha jeści nie chočacca, a padsiłkavacca treba, jany zojduć za miłuju dušu.
Kolki siabie pamiataju, jak tolki tempieratura padymałasia vyšej za 20 hradusaŭ, u našaj siamji hatavalisia chaładniki: z burakom, z baćvińnia, sa ščaŭja i krapivy. Ale samy moj ulublony varyjant — chaładnik z burakom i kiefiram. Hatujecca vielmi prosta, nasyčaje i achałodžvaje!
Składniki na 4 porcyi:
- 500 hr. buraka;
- 4 šklanki kiefiru (nie vielmi tłustaha);
- 1 šklanka vady;
- 4 jajki;
- 1 ahurok;
- zialonaja cybula;
- krop;
- 4 st. ł. śmiatany;
- sol;
- vocat.
Buraki zvaryć ci zapiačy. Asabista ja bolš lublu zapiakać: padajecca, što burak tady maje bolš nasyčany smak i koler. Dla zapiakańnia dastatkova kapnuć alejem na burak, zaharnuć jaho ŭ folhu i pakinuć u duchoŭcy na hadzinu pry tempieratury ŭ 180 hradusaŭ (možna pakłaści skrutki z burakom u duchoŭku, pakul tam vypiakajecca niešta inšaje, kab aščadzić čas).
Hatovyja achałodžanyja buraki treba pacierci na tarcy. Zalivajem ich kiefiram i vadoj (možacie dadać bolš vady, ale mnie padabajecca mienavita husty, kiefirny chaładnik). Solim, dadajom vocat pa smaku.
U talerku kryšym ahurok, zialonuju cybulu, krop (kali jość žadańnie, možna pakryšyć radysku), kładziom jajka. Zalivajem burakom z kiefiram, zapraŭlajem śmiatanaj. Pryŭkrasna idzie i z zapiečanaj bulbaj, i z čornym chlebam.
Smačna jeści!