Aryštavany hałoŭny redaktar ukrainskaha RIA Naviny paprasiŭ dapamohi ŭ Pucina

Hałoŭny redaktar vydańnia RIA Naviny — Ukraina Kirył Vyšynski, aryštavany va Ukrainie pa padazreńni ŭ dziaržzdradzie, paprasiŭ pravavoj dapamohi ŭ prezidenta Rasii Uładzimira Pucina dla svajho chutčejšaha vyzvaleńnia.

Pra heta jon zajaviŭ u sudzie Chiersona, dzie razhladajecca apielacyja na jaho aryšt. Vyšynski spasłaŭsia na toje, što źjaŭlajecca hramadzianinam Rasijskaj Fiederacyi.

Akramia taho, jon nakiravaŭ zajavu prezidentu Ukrainy Piatru Parašenku ab vychadzie z ukrainskaha hramadzianstva.

Vyšynski byŭ zatrymany 15 maja. SBU abvinavaciła žurnalista, jaki maje padvojnaje hramadzianstva, u padryŭnoj dziejnaści suprać Ukrainy i dziaržaŭnaj zdradzie. Jamu pahražaje da 15 hadoŭ pazbaŭleńnia voli.

0

0

0

0

0

0