U pieršym matčy «niejmaviernaha finału hoda» kamanda-navičok pieramahła kamandu-łuziera
nhl.com
Siońnia nočču ŭ Paŭnočnaj Amierycy startavaŭ finał chakiejnaha Kubka Stenli. I hałoŭnaje ŭ im — procistajańnie: kamanda-navičok suprać družyny, što prajhraje samyja važnyja matčy.
Navičok — heta «Łas-Vehas Hołden Najts», kamanda, jakoj hod tamu jašče nie isnavała i jana była sfarmavanaja h.zv. «draftam pašyreńnia». Pry farmavańni nievadskaha kłuba možna było z kožnaj družyny NCHŁ uziać pa adnym hulcy. Adnak inšyja kamandy addavali nie samych mocnych, na ich była broń. Tamu «Vehas» nazyvali zbornaj sieradniakoŭ. Mieŭsia pierajechać u Nievadu biełaruski chakieist Michaił Hraboŭski, ale hulać jamu pieraškodziła zaciažnaja traŭma.
Adnak «Załatyja rycary» ź pieršaha razu nie tolki vyjšli ŭ płej-of, ale i paśpiachova dajšli da finału Kubka Stenli
A voś za «Vašynhtonam Kepitałz» zamacavałasia słava kamandy, što prajhraje ŭsie važnyja pajadynki. Tak u minułym hodzie kłub vyjhraŭ rehularny čempijanat, ale vylecieŭ u druhim raŭndzie Kubka Stenli. Apošni raz staličny kłub hulaŭ u finale ŭ 1998 h.
Dyk voś: siońnia ŭ pieršym matčy «Vehas» pieramoh «Vašynhton» Alaksandra Aviečkina ź likam 6:4 (2:2, 1:1, 3:1).
Sieryja doŭžycca da čatyroch pieramoh. Nastupnaja hulnia — 31 maja.
