Navukoŭcy znajšli suviaź pamiž roskvitam Rymskaj impieryi i adkładami śvincu ŭ ldach Hrenłandyi
Mižnarodnaja hrupa navukoŭcaŭ pad kiraŭnictvam archieołaha Endru Uiłsana vyjaviła va ŭzorach hrenłandskaha lodu ślady vykidaŭ śvincu, jakija adbylisia pamiž 1100 hodam da našaj ery i 800 hodam našaj ery, piša phys.org.
Akazałasia, što viek adkładaŭ ciažkaha mietału kareluje z časam roskvitu i padzieńnia staražytnych jeŭrapiejskich cyvilizacyj. Značnaja častka śvincu traplała ŭ atmaśfieru praz zdabyču srebra, jakoje vykarystoŭvałasia dla vyrabu maniet, paśla čaho jon pieranosiŭsia ź viatrami nad Atłantyčnym akijanam Hrenłandyi. Tut čaścicy mietału asiadali razam z pyłam i kroplami vady, traplajučy ŭ ledaviki. Heta dazvalaje vyśvietlić suviaź pamiž uzroŭniami śvincu ŭ lodzie i stanoviščam ekanomiki tych časoŭ.
Daśledniki vyvučyli ŭzroŭni śvincu ŭ vyniatych kiernach, zrabili bolš za 21 tysiaču vymiareńniaŭ, jakija achoplivajuć 1900-hadovy pieryjad. Adznačajecca, što vykidy ciažkich mietałaŭ pavialičvalisia jašče ŭ 900 hady da našaj ery, kali finikijcy pašyrali sietku handlovych maršrutaŭ u zachodnim Mižziemnamorji. Zabrudžvańnie dasiahała najvyšejšaha punkta ŭ pieryjad roskvitu Rymskaj impieryi (I-II stahodździa našaj ery) — tady jano było ŭ šeść razoŭ bolšym, čym u darymski pieryjad (XI stahodździe da n.e.). Tolki paśla 165 hoda (čas epidemii čumy) zdabyča rezka padaje na toj samy pieršapačatkovy ŭzrovień, na jakim i zastajecca na doŭhija stahodździ.
U apošnija 80 hadoŭ isnavańnia Staražytnaha Ryma vykidy ciažkaha mietału źmienšylisia amal u čatyry razy.
