BBC: Parašenka zapłaciŭ minimum $400 tysiač za pieršuju sustreču z Trampam
BBC paviedamlaje sa spasyłkaj na ŭłasnyja krynicy, što asabisty advakat Donalda Trampa Majkł Koen atrymaŭ sakretny płaciož u pamiery 400 abo 600 tysiač dalaraŭ za arhanizacyju pieršaj sustrečy pamiž Piatrom Parašenkam i Donaldam Trampam ŭ červieni minułaha hoda.
Krynicy paviedamili, što apłata była arhanizavana pasiarednikami, jakija dziejničali ŭ intaresach Piatra Parašenki.
Pradstaŭnik ukrainskaj raźviedki, jaki zajmaje vysokuju pasadu, raspavioŭ, što Koena daviałosia pryciahnuć, pakolki zarehistravanyja łabisty i ŭkrainskaje pasolstva ŭ Vašynhtonie nie zdoleli damahčysia čahości bolšaha, čym praviadzieńnie karotkaj sustrečy z fota z Trampam. Razam z tym, Parašenka imknuŭsia da sustrečy vyšejšaha ŭzroŭniu, jakuju b jon moh padać jak «pieramovy».
BBC asobna padkreślivaje, što nie maje paćvierdžańnia taho, što Tramp moh viedać ab praviadzieńni apłaty.
Inšaja krynica ŭ Kijevie śćviardžaje, što ahulnaja suma, jakuju zapłacili Koenu, skłała 600 tysiač dalaraŭ.
I Koen, i abodva datyčnyja ŭkraincy abvierhli BBC hetuju infarmacyju.