U Vialikabrytanii pačali rasśledavańnie suprać telekanała Russia Today
Brytanski miedyjarehulatar Ofcom pačaŭ try novyja rasśledavańni suprać rasiejskaha prapahandysckaha telekanała RT. Pra heta havorycca ŭ biuleteni nahladnaha orhana, apublikavanym u paniadziełak. Pra heta piša «Ukrinform».
Jak paviedamlajecca, rasśledavańnie byli raspačatyja suprać vypuskaŭ navin, jakija vyjšli ŭ efir 26 krasavika i 4 maja, taksama pa vypusku prahramy Crosstalk ad 20 krasavika.
Sutnaść pretenzij da kantentu prahram nie tłumačycca.
Adznačajecca, što, kali miedyjarehulatar ličyć, što byli parušanyja standarty, umovy licenzii abo inšyja narmatyŭnyja patrabavańni, jon pačnie rasśledavańnie suprać taho ci inšaha ŚMI.
Jak havorycca ŭ biuleteni, pačatak rasśledavańnia nie abaviazkova aznačaje, što viaščalnik dapuściŭ parušeńni.
Raniej paviedamlałasia, što ŭ krasaviku Ofcom pačaŭ siem novych rasśledavańniaŭ suprać rasiejskaha prapahandysckaha telekanała RT praz aśviatleńnie navin u Sołśbiery.
