«Bulbakłasika» Dynama — BATE i inšyja cikavostki vośmaha tura čempijanatu Biełarusi pa futbole
Razam z Bukmiekierskaj kantoraj Marafon my praciahvajem sačyć za čempijanatam Biełarusi pa futbole.
Napiaredadni vyznačyŭsia ŭładalnik Kubka krainy. Im stała bresckaje «Dynama» ŭ vielmi vidoviščnaj hulni bieraściejcy pieramahli BATE. «Dynama» dvojčy sastupała ciaham hulni, ale adyhryvałasia, a potym i ŭvohule vyrvała takuju važnuju dla siabie pieramohu. Hledačy, jakija prysutničali ŭ Mahilovie, vidavočna zastalisia zadavolenyja takoj hulnioj. Bieraściejcy zavajoŭvajuć hety trafiej užo druhi hod zapar. Ciapier pierachodzim da par nastupnaha tura.
«Dniapro» — «Minsk»
- 20.05 / 17:15 Stadyjon «Spartak»
- Kaeficienty: «Dniapro» (pieramoha) — 2,59, ničyja — 2,82, «Minsk» (pieramoha) — 3,1
Maskot FK «Minsk» z zaŭziatarami. Fota z vk.com.
Mahiloŭski kłub šmat kaho paździŭlaŭ u pačatku čempijanatu, kali peŭny čas navat išoŭ u trojcy lidaraŭ, vybili z Kubku salihorski «Šachcior», papili kryvi ŭ čempijanacie BATE. Adkryli maładuju zorku Fiadosava. Ale ciapier usio viartajecca na raniejšyja miescy, «Dniapro» ŭ siaredzinie tablicy i moža zvalicca jašče nižej.
A voś «Minsk» zvaliŭsia na samaje-samaje dno turnirnaj tablicy. Nižej za «haradžan» užo niama nikoha. I nie skazać ža, što hulnia kamandy addaje bieznadziejnaściu, ale maładyja talenty staličnaha kłuba nijak nie mohuć kavać pieramohi dla svajho kłuba. Moža, užo nabralisia dośviedu i para pieramahać?
Prahnoz «NN»: «Dniapro» nie sastupić.
«Tarpieda» — «Smalavičy»
- 20.05 / 19:15 Stadyjon «Minsk»
- Kaeficyjenty: «Tarpieda» (pieramoha) — 2,74, ničyja — 2,74, «Smalavičy» (pieramoha) — 2,99
Jaki ž dramatyčny matč minskaje «Tarpieda» praviało ŭ Barysavie. Da apošnich dziesiacichvilinki «aŭtazavodcy» trymalisia i nie prapuskali ad BATE. Potym sudździa pastaviŭ vielmi sprečnaje pienalci ŭ momant kantaktu Muchamiedava i Šumiłava. Stasievič nie zabiŭ z adzinaccacimietrovaj, ale Sihnievič dabiŭ. Sudździa Sievaśćianik za toj matč atrymaŭ «niezdvalniajuča» i adchileny ad absułuhoŭvańnia čempijanatu na dźvie hulni. Słaboje suciašeńnie dla «Tarpieda». U hulni z BATE jany zasłuhoŭvali ačkoŭ.
«Smalavičy» atrymali svaju pieršuju pieramohu ŭ vyšejšaj lizie. U minułym tury pry dobraj hulni jany pieramahli «Dniapro». Pravincyjnaja kamanda pryciahvaje da siabie ŭvahu taksama dobraj hulnioj ich 23-hadovaha napadnika Valeryja Harbačyka, jaki maje ŭžo 4 zabitych hały. U intervju «Priessbołu» Harbačyk pryznaŭsia, što samyja vialikija pryzavyja, jakija jon bačyŭ u svajoj karjery, składali 170 dalaraŭ.
Prahnoz «NN»: «Tarpieda» nie sastupić.
«Viciebsk» — «Tarpieda-BiełAZ»
- 21.05 / 18:45 CSK «Viciebsk»
- Kaeficyjenty: «Viciebsk» (pieramoha) — 2,45, ničyja — 2,82, «Tarpieda-BiełAZ» (pieramoha) — 3,32
Hulnia «Tarpieda-BiełAZ» i «Homiela». Fota bymedia.by.
«Viciebsku» nie pašancavała ŭ minułym tury hulać z abnoŭlenym bresckim «Dynama». Z novym nastaŭnikam bieraściejcy zabiehali zusim pa-inšamu. «Viciebsk» vidavočna ambicyjna pahladaje na pieršuju piaciorku, ale tyja samyja płany majuć mnohija kamandy: «Šachcior», «Słuck» i, kaniečnie ž, žodzinskaje «Tarpieda». Viciablanie majuć dastatkova zbałansavany skład, jaki zdolny da rašeńnia vialikich zadač.
«Tarpieda», jak i papiarednija kłuby Aleha Kubarava, hulaje nie duža efiektna, ale svaju spravu robić. Na dadzieny momant žodzincy čaćviortyja ŭ tablicy. I ŭ hetym płanie hulnia ŭ Viciebsku duža važnaja dla abiedźviuch kamand. Jakaja nablizicca da lidaraŭ, a jakuju buduć dahaniać sieradniaki.
Prahnoz «NN»: ničyja.
«Homiel» — «Nioman»
- 21.05 / 20:45 Stadyjon «Centralny»
- Kaeficyjenty: «Homiel» (pieramoha) — 2,57, ničyja — 2,74, «Nioman» — 3,22
«Homiel» nijak nie pieramoža. Siem matčaŭ, čatyry ničyich i try parazy. Kamanda na miažy zony vyleta. Jaskravaj atakujučaj hulnioj «bieła-zialonyja» taksama nie mohuć pachvalicca. Soramna, što kamandy z abłasnych centraŭ, dzie pavinny być dobryja ŭmovy, pakazvajuć takija vyniki.
Spravy ŭ hrodzienskaha «Niomana» iduć uharu. Kamanda zdabyła ŭžo druhuju zapar pieramohu. Chacia abiedźvie dastalisia sa skandałami. U hulni z «Haradziejaj» sudździa matča Kulbakoŭ admianiŭ pienalci, jakoje pryznačyŭ u varoty «Niomana». Było šmat sprečak i zvadak z hetaj nahody, ale BFF pryniało rašeńnie, što arbitr usio zrabiŭ pravilna.
Prahnoz «NN»: «Nioman» nie sastupić.
«Haradzieja» — «Šachcior»
- 22.05 / 18:45 Ctadyjon «Haradzieja»
- Kaeficyjenty: «Haradzieja» (pieramoha) — 4,75, ničyja — 2,93, «Šachcior» (pieramoha) — 1,95
Radaść «Šachciora» ad pieramohi nad «Isłačču». Fota vk.com.
U haradziejcaŭ vidavočny kryzis. Kamanda ŭ zonie vyletu, nie moža pieramahać. Pakul nivodzin hulec kłuba nie zabiŭ bolš za dva hały ŭ čempijanacie. Nastaŭnik cukrovaj kamandy Siarhiej Jaromka ž na zaŭvahi pra adstaŭku adkazvaje žurnalistam: «Ty što, zvarjacieŭ?» Darečy, adstaŭki dapamahli Brestu i Salihorsku, kamandy pačali hulać zaŭvažna lepš, moža, i ŭ vypadku z «Haradziejaj» prakacić?
«Šachcior» ža adčuvaje pach kryvi. Kamanda narešcie pabiehła. U minułym tury salihorcy mokraha miesca nie pakinuli ad «Isłačy». Asabliva pastaraŭsia ich małady napadnik Kavaloŭ, aformiŭšy dubl. Kali Salihorsk praciahnie hulać u takim ža duchu, to kamanda znoŭ moža ŭklinicca ŭ razborki za miedali. Dla hetaha, praŭda, treba nie hublać punkty z takimi supiernikami, jak «Haradzieja».
Prahnoz «NN»: pieramoha «Šachciora»
«Isłač» — «Pramień»
- 22.05 / 20:45 Stadyjon «Minsk»
- Kaeficyjenty: «Isłač» (pieramoha) — 2,28, ničyja — 2,82, «Pramień» (pieramoha) — 3,68
U «Isłačy» zaraz nie samy prosty pieryjad. Kamanda sastupiła ŭ dvuch apošnich hulniach čempinatu, apuściłasia na dziasiaty radok. «Isłač» — vielmi ŭzrostavy kalektyŭ, tamu da kanca čempijanatu im budzie jašče ciažej. Spadziavańni tolki na charyzmatyčnaha nastaŭnika «vaŭkoŭ» Vitala Žukoŭskaha, jaki ŭ patrebny momant zdolny zavieści kamandu, dać joj patrebny impuls.
A voś «Pramień», zdajecca, kančatkova asvoiŭsia ŭ vyšejšaj lizie. U kampanii z bolš viadomymi i majstravitymi kamandami «Pramień» adčuvaje siabie całkam u svajoj talercy. Praŭda, minskaje «Dynama» začapić nie zmahli, ale nastaŭnik «Pramienia» Ivan Bijončyk skazaŭ, što pakul heta ptuška nie ich palotu.
Prahnoz «NN»: totał mieniej za 2,5.
«Słuck» — «Dynama» (Brest)
- 23.05 / 17:15 Stadyjon «Haradski»
- Kaeficyjenty: «Słuck» (pieramoha) — 3,28, ničyja — 3,28; «Dynama» (pieramoha) — 2,2
Radaść bresckaha «Dynama» ad pieramohi ŭ Kubku Biełarusi. Fota z vk.com.
Tryumfatary kubka jeduć u Słuck. Novy nastaŭnik bieraściejcaŭ Siarhiej Kavalčuk zmoh natchnić kamandu na vydatnuju hulniu. Kubkavy finał z BATE byŭ ci nie samym cikavym pajadynkam u biełaruskim futbole za apošnija hadoŭ dziesiać. Tam prysutničała ŭsio: pryhožyja hały, niervy, dramaturhija. Kali b takich matčaŭ chacia b paru dziasiatkaŭ na siezon u našym futbole, to ludzi b znoŭ pajšli na trybuny.
«Słuck» pryjemna ździŭlaje. Vitalu Paŭłavu atrymałasia pabudavać vielmi krepki kalektyŭ. Ivuaryjcy vypalvajuć uvieś centr pola, a napieradzie najlepšy bambardzir čempijanatu Jaŭhien Šykaŭka. Jon zabiŭ u papiarednim tury «Minsku», zachoča zabić i Brestu. Za Šykaŭkaj treba vielmi pilna sačyć.
Prahnoz «NN»: pieramoha «Dynama».
«Dynama» (Minsk) — BATE
- 23.05 / 19:15 Stadyjon «Traktar»
- Kaeficyjenty: «Dynama-Minsk» (pieramoha) — 2,97, ničyja — 3,08, BATE — 2,48
«Dynama» pakul hałoŭny supiernik BATE za załatyja miedali. Usie čakali praryvu ad Bresta. Zahladalisia na salihorskich lehijanieraŭ, a voś pra «Dynama» krychu niespraviadliva zabyvali. Pakul minčuki ž upeŭniena štampujuć pieramohi. Parazaŭ u kłuba niama ŭvohule. Hulnia z BATE ŭ hetym płanie vielmi šmat što značyć dla kalektyva Hurenki.
Matčy «Dynama» i BATE niekatoryja nazyvajuć «bulbakłasika». Durnaja nazva, a voś hulnia pavinna być fajnaj. BATE budzie rvać, kab reabilitavacca za kubkavy pravał. Cikava, ci vyjdzie znoŭ u asnovie Alaksandr Hleb. Matč z Brestam jon pravioŭ vielmi dobra. U BATE pakul niama strataŭ ačkoŭ u hetym čempijanacie. Jany vielmi marać praciahnuć pieramožnuju sieryju.
Prahnoz «NN»: pieramoha BATE.
Znoŭ zaklikajem vas chadzić na stadyjony i zaŭzieć za ŭlubionyja kłuby. Inšych u nas niama. A kab prahlad futbołu byŭ bolš cikavym, raim zrabić staŭku ŭ Bukmiekierskaj kantory Marafon!
