U Aŭstralii pradstavili samy vialiki ŭ śviecie 3D-pryntar
Aŭstralijskaja Titomic pradstaviła samy vialiki ŭ śviecie 3D-pryntar, jaki moža vyrablać mietaličnyja vyraby.
Pa pamierach pryntar paraŭnalny z aŭtobusam, ź jaho dapamohaj možna vyrabić, naprykład, dzieviacimietrovyja detali kryła samalota. Akramia taho, hety pryntar pracuje vielmi chutka, naprykład, jon dazvalaje vyrabić viełasipiednuju ramu ŭsiaho za 25 chvilin.
Z aŭstralijcami źbirajecca supracoŭničać italjanskaja sudnabudaŭničaja kampanija Fincantieri, z dapamohaj 3D-pryntara jana choča vyrablać detali dla marskich sudoŭ.
3D-druk moža zabiaśpiečyć ekspanientny rost chutkaści vytvorčaści. Naprykład, jon dazvolić amierykanskim vytvorcam rovaraŭ, jakija pieranosiać vytvorčaść u rehijony z tannaj pracoŭnaj siłaj, viarnucca da miascovaj vytvorčaści. Pa słovach dyrektara kampanii, adzin taki pryntar vykonvaje pracu 50 čałaviek.