Uładzisłavu Kazakieviču dali 22 hady za napad na supracoŭnikaŭ kałonii
Uładzisłava Kazakieviča sud pryznaŭ vinavatym u napadzie z nažom na supracoŭnikaŭ škłoŭskaj kałonii, u jakoj 19-hadovy minčuk adbyvaŭ pakarańnie za napad ź bienzapiłoj u HC «Jeŭropa». Jamu pryznačana pakarańnie ŭ vyhladzie 22 hadoŭ pazbaŭleńnia voli: 5 pieršych hadoŭ Kazakievič praviadzie ŭ turmie, astatnija 17 — u kałonii ŭzmocnienaha režymu, piša Tut.by.
Paciarpiełamu starejšamu kantraloru Alaksieju Kuzanu abvinavačany pavinien vypłacić 3 tysiačy rubloŭ u jakaści kampiensacyi.
Sud ustanaviŭ, što ranicaj 12 kastryčnika 2017 hoda ŭ čas vyvadu na špacyr Uładzisłaŭ Kazakievič dastaŭ z rukava nož i napaŭ na dvuch kantraloraŭ. Była raspačata kryminalnaja sprava za zamach na zabojstva dvuch čałaviek.
Dziaržekśpiertyza vyśvietliła, što na momant inkryminavanych dziej Kazakievič moh u poŭnaj miery ŭśviedamlać svaje dziejańni i kiravać imi. Z hetym nie zhodnyja ni baćki, ni abarona abvinavačanaha, jakija ličać, što małady čałaviek chvory i maje patrebu ŭ lačeńni. Niezaležnyja ekśpierty ličać, što va Uładzisłava — šyzafrenija.
