Žychar Viciebska pazyčyŭ u znajomych 270 tysiač dalaraŭ i vyrašyŭ ich nie viartać
USK pa Viciebskaj vobłaści abvinavačvaje 49-hadovaha žychara Viciebska ŭ tym, što jon z 2010 hoda na praciahu niekalkich hadoŭ pazyčyŭ u 3 čałaviek 270 tysiač dalaraŭ i admoviŭsia ich viartać.
Akramia taho, u 2017 hodzie mužčyna padrabiŭ vieterynarnyja siertyfikaty i paśviedčańni jakaści i biaśpieki.
Dziejańni abvinavačanaha śledstvam kvalifikavanyja pa častcy 4 artykuła 209 (machlarstva, ździejśnienaje paŭtorna, u admysłova bujnym pamiery) i častki 2 artykuła 380 (padrobka paśviedčańnia i inšaha aficyjnaha dakumienta, jaki nadaje pravy, u metach vykarystańnia takoha dakumienta inšaj asobaj, i zbyt takoha dakumienta, učynienyja paŭtorna) Kryminalnaha kodeksa. Da abvinavačanaha prymieniena miera strymańnia ŭ vyhladzie zaklučeńnia pad vartu. Mužčyna vinu pa abvinavačvańni ŭ machlarstvie nie pryznaŭ, uron paciarpiełym nie pakryŭ.
