Prahałasujcie — abiarycie pieramožcu konkursu, jaki vyjhraje Samsung Galaxy A8|A8+
Voś i pryjšoŭ, jak kažuć, momant iściny: z 35 fotazdymkaŭ, dasłanych na konkurs «Našaj Nivy» i Samsung Galaxy A8|A8+, žury abrała try najlepšyja sełfi. Toje fota, što ŭ vyniku adkrytaha hałasavańnia, jakoje praciahniecca pa 16 maja ŭklučna, źbiare najbolš hałasoŭ, i stanie pieramožnym. Jaho aŭtar atrymaje ŭ padarunak adrazu dva novyja smartfony Samsung Galaxy A8 i Samsung Galaxy A8+ — adzin dla siabie i adzin dla ŭnuka.
Addać svoj hołas
Finalistaŭ vyznačyli viadomaja para fatohrafaŭ Lejdzik + Kanaploŭ i fatohraf «Našaj Nivy» Siarhiej Hudzilin. Što ich padkupiła ŭ hetych sełfi? Ščyraść, niepasrednaść i estetyka kadra.
Finalistka 1 — Maryja Azbuka (kali dla svaich, to prosta MC Azbuka)
Žyvie ŭ vioscy Muraviejnica Kalinkavickaha rajona Homielskaj vobłaści. U svaje 77 hod hodna spraŭlajecca z rolaj maleńkaha pałkavodca ŭsioj siamji. Jak bačna pa fotazdymku, vielmi lubić kvietki: uvieś dvor Maryi Fiodaraŭny zapoŭnieny kustoŭjem, kłumbami i žyvoj aharodžaj. Z-za śpiny spadaryni Azbuki vyhladvaje jaje ŭnučka Natalla, jakaja i vučyła babulu rabić sełfi. «Jana dziviłasia, vojkała i hałasiła, ale my heta zrabili», — dzielicca maleńkaj pieramohaj dziaŭčyna. Vidavočna, Maryi Fiodaraŭnie heta pryjšłosia daspadoby, tamu paźniej jany apublikavali ŭ instahramie jašče adzin fotazdymak.
Finalistka 2 — Alena Trafimovič
Spadaryni Alenie ciapier 79 hadoŭ, žyvie jana na Słonimščynie. Raniej pracavała buchhałtarkaj Vastraŭskoha sielhasu. Siońnia jana nie tolki ŭmieje rabić sełfi, ale i vałodaje internetam i skajpam. Spadarynia Alena hladzić anłajn sa słužbaŭ u roznych kaściołach Polščy i videazaniatki pa viazańni. Jana napierad, raniej za dzieda, jaki pastajanna hladzić «Panaramu», daviedvajecca pra ŭsie naviny śvietu.
Finalistka 3 — Alaksandra Ščemier
Śćviardžajuć, što hetaja 78-hadovaja barysaŭčanka — sapraŭdnaja zorka svajho rodnaha horada. Alaksandra Dźmitryjeŭna ŭsio žyćcio pryśviaciła miedycynie: spačatku była akušerkaj u vioscy, kudy jaje raźmierkavali, a potym bolš za 40 hadoŭ praviała ŭ traŭmatałahičnym adździaleńni barysaŭskaha špitala. Paśla vychadu na piensiju, śćviardžaje ŭnučka Daša, žyćcio nie źmienšyła temp ni na chvilinu. Spadarynia Alaksandra — staršynia savieta vieteranaŭ ad balnicy, udzielnica narodnaha choru. A ŭ volny čas jana zmahajecca za čyściniu i paradak u svaim dvary, pilna sočyć, kab aŭtamabilisty nie parkavalisia na zialonaj zonie, i vysadžvaje kvietki la svajho padjezda.
A ciapier, šanoŭnyja čytačy, vyrašycie, za kaho ź ich vy addaścio svoj hołas! Zapuskajem narodnaje hałasavańnie, vyniki — 16 maja. Pajechali!
Prahałasavać
