Pašynian paabiacaŭ sfarmiravać urad nacyjanalnaj zhody
Lidar pratestaŭ u Armienii Nikoł Pašynian, jakoha vyłučyli na pasadu premjer-ministra, zajaviŭ, što ŭ vypadku abrańnia pasprabuje sfarmiravać urad nacyjanalnaj zhody, piša ria.ru.
Pavodle jaho słoŭ, jość niekalki varyjantaŭ składu budučaha kabinieta ministraŭ, ale vybar budzie zaležać ad palityčnaj situacyi.
«Kali ja ŭbaču, što stvorany paŭnavartasnyja ŭmovy dla praviadzieńnia sapraŭdy demakratyčnych, lehitymnych i prazrystych vybaraŭ, to padam u adstaŭku», — dadaŭ Pašynian.
Druhi tur vybaraŭ premjer-ministra Armienii adbudziecca 8 maja. Pašynian - -adziny kandydat na hetuju pasadu, ale ŭ pieršym tury za jaho prahałasavali tolki 45 deputataŭ pry nieabchodnych 53. Kali deputaty nie zmohuć abrać kiraŭnika Kabmina z druhoj sproby, zakanadaŭčy orhan budzie aŭtamatyčna raspuščany.
Akcyi pratestu praciahvajucca ŭ Armienii ad 13 krasavika. Apazicyja vystupiła suprać abrańnia byłoha prezidenta Sierža Sarhsiana premjer-ministram, a praź niekalki dzion abviaściła ab pačatku «aksamitnaj revalucyi». Niahledziačy na heta, parłamient vybraŭ Sarhsiana kiraŭnikom Kabmina, ale mienš čym praz tydzień, 23 krasavika, jon padaŭ u adstaŭku.
U kirujučaj Respublikanskaj partyi paviedamili, što 8 maja padtrymajuć kandydata, jakoha vyłučyć tracina składu parłamienta. Pavodle papravak u Kanstytucyju, jakija niadaŭna ŭstupili ŭ siłu, premjer-ministr budzie vałodać samymi šyrokimi paŭnamoctvami.