Babuli z «atrada Pucina» znajšli «hien zdrady» ŭ Durava VIDEA
Piensijanierki z ruchu «Atrady Pucina» abmierkavali źniešnaść stvaralnika miesiendžara Telegram Paŭła Durava i paraŭnali jaho z Andrejem Ułasavym — hienierałam Čyrvonaj armii, jaki paśla pierajšoŭ na bok nacysckaj Hiermanii i pryznany zdradnikam, a potym byŭ pakarany śmierciu. Dyskusija apublikavanaja na YouTube-kanale ruchu.
U roliku niekalki babul siadziać za stałom i razhladajuć fatahrafii Durava ŭ maładości i ciapier, paraŭnoŭvajučy jaho tvar z rysami Ułasava.
«Ułasaŭ — zdradnik naš vajennaha času, i Duraŭ. Vy pahladzicie, jak jany padobnyja! Adzin tvar», — pramaŭlaje adna z aktyvistak.
Uvahu žančyn asabliva pryciahnuli vušnyja rakaviny i załysiny: u ich jany razhladzieli «vidavočna vyjaŭlenuju ahresiju». Forma padbarodka tvaraŭ i Durava, i Ułasava taksama naviała piensijanierak na dumku ab hvałcie.
U vyniku ŭdzielnicy dyskusii pryjšli da vysnovy, što źniešnaści asoby «identyčnyja» i nazvali heta padabienstva «hienam zdrady».
