Pratestoŭcy ŭ Jerevanie pierakryli centralnyja vulicy i šlach da aeraporta VIDEA
Gleb Garanich / Reuters
Prychilniki lidara armianskaj apazicyi Nikoła Pašyniana, paśla taho jak parłamient krainy nie vybraŭ jaho na pasadu premjer-ministra, adnavili pratesty. Da hetaha napiaredadni ich zaklikaŭ sam Pašynian. Pramuju tranślacyju ź Jerevana viadzie partał 1in.am. U akcyjach pa ŭsim horadzie ŭdzielničajuć dziasiatki ludziej.
Demanstranty pierakryvajuć darohi, u tym liku da jerevanskaha aeraporta Zvartnoc. Na padjezdach da jaho, zhodna z tranślacyi 1in.am, užo jość aŭtamabili. Ruch u horadzie ŭskładnieny, na niekatorych vulicach — pierakryty. Pratestoŭcy sa ściahami maršyrujuć prosta pa prajeznaj častcy. Niekatoryja mašyny sihnalać u znak padtrymki, inšyja kiroŭcy sprabujuć abjazdžać pikiet. Na darohach demanstranty staviać śmiećcievyja baki.
Gleb Garanich / Reuters
Gleb Garanich / Reuters
A 8:30, zhodna z paviedamleńnia partała news.am, u Jerevanie byŭ całkam pierakryty centr horada, a taksama darohi, jakija złučajuć centr z ŭskrainami. Ludzi z valizkami pieššu iduć u aeraport.
«Usie zabłakavana. Darohu ŭ aeraport taksama zabłakavali», - raspavioŭ RBK adzin z udzielnikaŭ strajku Artur Kalan. Błakavać darohi ŭ horadzie, pavodle jaho słoŭ, pratestoŭcy pačali, jak i zaklikaŭ Pašynian, z 08:15 pa miascovym časie (07:15 pa Minsku). U Hiumry, jak udakładniŭ surazmoŭca RBK, hałoŭnyja darohi taksama pierakrytyja pratestoŭcami.
Takim čynam lidar apazicyi i jahonyja paplečniki płanujuć vykazać pratest kiroŭnaj u krainie Respublikanskaj partyi i parłamienta Armienii, jaki na śpiecyjalnym pasiadžeńni z nahody vybaraŭ časovaha premjer-ministra 1 maja padtrymaŭ kandydaturu Pašyniana. Za lidara pratestnaha ruchu tady prahałasavali 45 deputataŭ, suprać vykazalisia 56.
«Zaŭtra budzie abvieščanaja zabastoŭka, i strajk budzie pa ŭsioj krainie»,
— abviaściŭ, reahujučy na heta ŭ chodzie vystupleńnia na mitynhu na jerevanskaj płoščy Respubliki, u toj ža dzień Nikoł Pašynian. «Z 08:15 [pa miascovym časie] ŭsie vulicy i čyhunki respubliki błakujucca», — zajaviŭ taksama jon, zaŭvažyŭšy, što patrabavańniami pratestoŭcaŭ da armianskaha parłamienta budzie «pryznać pieramohu naroda i abrać premjeram kandydata naroda».
Pry niaŭdałaj sprobie vybrać premjera, zhodna z Kanstytucyjaj Armienii, praz tydzień u parłamiencie pravodzicca jašče adno hałasavańnie. Kali premjera nie ŭdasca abrać u druhi raz, parłamient raspuskajecca, a časovym kiraŭnikom kabinieta ministraŭ zastaniecca v.a. kiraŭnika ŭrada Armienii, u sapraŭdny momant hetuju pasadu zajmaje Karen Karapiecian.
