Eks-dyrektar bresckaha pradstaŭnictva «Pinskdreva» skrała ŭ pradpryjemstva bolš za 12 tysiač rubloŭ
Były dyrektar bresckaha pradstaŭnictva «Pinskdreva» asudžanaja za kradziažy, paviedamiŭ BiełTA namieśnik prakurora Bresta Alaksandr Vierabiej.
Budučy kiraŭnikom pradstaŭnictva kampanii, žycharka Bresta ź vieraśnia 2010 hoda pa studzień 2017-ha zaklučyła siem fiktyŭnych damovaŭ padradu, pracy pa jakich u realnaści nie pravodzilisia. Naličanyja za nibyta praviedzienyja raboty hrošy jana prysvojvała. Akramia taho, dyrektar aformiła na pracu vartaŭnika i pradaŭca, jakija faktyčna nie pracavali.
Takim čynam pradpryjemstvu byŭ naniesieny ŭron na sumu bolš za 12,2 tysiačy rubloŭ. U chodzie śledstva abvinavačanaja jaho pakryła całkam.
Sud Maskoŭskaha rajona Bresta pryznaŭ eks-dyrektara vinavataj pa č.3 art.210 (kradziež šlacham złoŭžyvańnia słužbovymi paŭnamoctvami ŭ bujnym pamiery) KK i prysudziŭ jaje da 4 hadoŭ pazbaŭleńnia voli z adterminoŭkaj vykanańnia pakarańnia na dva hady.