Ułady Armienii admovilisia ad pieramoŭ z apazicyjaj
V.a. premjer-ministra Armienii Karen Karapiecian nie prymaje zaprašeńnie pryniać udzieł u siońniašnich pieramovach ź lidaram apazicyi Nikałam Pašynianam, paviedamlaje «Radyjo Azatuciun».
«Čarhovaje zaprašeńnie Nikoła Pašyniana praktyčna nie adroźnivajecca ad papiaredniaha, za vyklučeńniem taho faktu, što na hety raz jon nie dyktuje, z kim treba iści na pieramovy. Adkaz Karena Karapieciana taki ž, jak i ŭ minuły raz. Pieramovy, dzie adzin bok vyklučna dyktuje paradak dnia, a inšy nie moža ŭjavić paradak dnia, nie mohuć ličycca pieramovami. Akramia taho, Karen Karapiecian pa-raniejšamu ličyć, što praviadzieńnie pieramoŭ u prysutnaści ŚMI ŭžo praduhledžvaje, što metaj pieramoŭ nie źjaŭlajecca dasiahnieńnie jakich-niebudź vynikaŭ. Mienavita tamu ŭdzieł u «pieramovach», jakija naŭrad ci znojduć rašeńni, v.a. premjer-ministra ličyć bieśpierśpiektyŭnym», — paviedamiŭ pres-sakratar v.a. premjer-ministra Aram Araracian na svajoj staroncy ŭ Facebook.
Araracian adznačaje, što, na dumku Karena Karapieciana, Pašynianu varta pryniać prapanovu prezidenta respubliki, nakiravanuju ŭsim parłamienckim i pazaparłamienckim siłam, dla sumiesnaha abmierkavańnia situacyi, jakaja skłałasia ŭ krainie.
