Pradstaŭleny hadzińnik na Android, jaki pieraŭtvaraje ruku ŭ sensarny ekran FOTY
Daśledčyki z Univiersiteta Karnehi-Miełana pakazali «pieršy ŭ svaim rodzie» razumny hadzińnik, jaki moža pieratvaryć ruku ŭ sensarny ekran. Z dapamohaj prajekcyi na zapiaści abo dałoni stvarajecca interaktyŭnaja pavierchnia, a kiravać možna zvykłymi žestami palcaŭ.
Kadr ź videa nižej
Hadzińnik moža prajektavać interfiejs pamieram da 40 kvadratnych santymietraŭ, što prykładna ŭ 5 razoŭ bolš, čym interfiejs zvyčajnaha smart-hadzińnika.
Kadr ź videa nižej
LumiWatch składajucca z łahičnaje płaty, prajektara, datčyka hłybini, mietaličnaha korpusa i akumulatara. Prajektar vykarystoŭvaje try łaziera: čyrvony, sini i zialony. Prajekcyja dastatkova jarkaja, kab jaje možna było ŭbačyć na adkrytym pavietry.
Pavodle infarmacyi The Verge, košt pryłady składzie kala 600 dalaraŭ ZŠA, adnak termin vychadu na rynak nie nazyvajecca.
