Volkswagen zrabiŭ čachły dla ajfonaŭ z mašyn, jakija trapili ŭ avaryju praz razmovy kiroŭcaŭ pa telefonie
Šviedskaje padraździaleńnie Volkswagen sumiesna z kampanijaj NordDDB vyrašyła vyrabić čachły dla iPhone 8 z kuzaŭnych panelaŭ mašyn, što byli raźbityja ŭ DTZ pa vinie kiroŭcaŭ, jakija ŭziali ŭ ruki smartfon padčas kiravańnia, piša «Papularnaja miechanika».
«My viedajem, jak heta byvaje: znachodziačysia za rulom, raptam biareš telefon, kab adkazać na zvanok ci adpravić paviedamleńnie, — kaža Jochan Karłsan, brend-mieniedžar u stakholmskim padraździaleńni Volkswagen, — adnak u hety momant vierahodnaść patrapić u DTZ pavialičvajecca ŭ 23 razy».
Usiaho budzie vypuščana 153 čachły. Srodki, atrymanyja ad ich prodažu, pojduć dabračynnaj arhanizacyi Trafikskadefonden, jakaja zajmajecca dapamohaj ludziam, što paciarpieli ŭ avaryjach. Kaštuje adzin taki čachoł 599 šviedskich kron (kala 70 dalaraŭ).
My spadziajomsia, što čachoł dla telefona, zrobleny z mašyn, pabitych u takich avaryjach, prymusić čałavieka padumać dvojčy, pierš čym uziać u ruki telefon. Čachoł budzie maŭklivym napaminam pra toje, što varta sačyć za darohaj», — skazaŭ Jochan Karłsan.