Svajaki šviedskaha dydžeja Avicii miarkujuć, što jon skončyŭ žyćcio samahubstvam
Siamja šviedskaha dydžeja i pradziusara Cima Bierhlinha, jaki vystupaŭ pad imiem Avicii i pamierłaha na minułym tydni, vypuściła zajavu, ź jakoj možna zrabić vysnovu, što jany ličać pryčynaj śmierci muzyki samahubstva.
U ich zajavie skazana, što ŭ 28-hadovaha dydžeja była tonkaja artystyčnaja duša, jakaja šukaje adkazaŭ na ekzistencyjalnyja pytańni. «Budučy pierfiekcyjanistam, jon zanadta šmat jeździŭ i ciažka pracavaŭ u takim tempie, jaki vyklikaŭ varjacki stres», — havorycca ŭ tekście.
«Kali jon spyniŭ hastrolnyja tury, jon chacieŭ znajści bałans u žyćci, — skazana ŭ zajavie, jakoje publikuje vydańnie Variety. — Jamu było vielmi ciažka, jon razvažaŭ pra Sens, Žyćcio, Ščaście. Jon nie moh bolš vytrymać heta. Jon chacieŭ zdabyć supakoj».
Nijakich inšych detalaŭ u zajavie nie pryvodzicca. Raniej pryčyna śmierci muzyki nie nazyvałasia. Dva hady tamu jon abviaściŭ, što pierastaje hastralavać z-za prablem sa zdaroŭjem.
Heta ŭžo druhaja zajava svajakoŭ Avicii za čas, jaki prajšoŭ paśla jaho śmierci: u paniadziełak jany padziakavali prychilnikam, jakija adhuknulisia na zaŭčasny skon dydžeja.
