Google aficyjna pradstaviła bujnoje abnaŭleńnie i redyzajn pošty Gmail
Google aficyjna pradstaviła abnoŭlenuju viersiju paštovaha servisu Gmail z novymi funkcyjami i dyzajnam. Pastupova jana stanie dastupnaja dla kožnaha karystalnika, jakich zaraz užo amal paŭtara miljarda.
Siarod novaŭviadzieńniaŭ — mahčymaść pracavać ź listami biez padklučeńnia da internetu. A funkcyja Smart Reply, jakaja pracuje z dapamohaj štučnaha intelektu, analizuje tekst lista i prapanuje hatovyja aŭtamatyčnyja adkazy.
Novy režym abarony dadzienych
Novy režym dazvalaje adpraŭniku ŭstalavać termin aktualnaści lista, paśla zakančeńnia jakoha jon vydalajecca z skryni atrymalnika. Taki list prychodzić surazmoŭcu ŭ vyhladzie spasyłki na tekst paviedamleńnia, jakuju nielha ani pierasłać, ani skapijavać abo razdrukavać.
Źmianiŭsia i dyzajn papiaredžańniaŭ sistemy biaśpieki. Pavodle śćviardžeńnia kampanii, jany ciapier buduć bolš zrazumiełyja dla karystalnikaŭ.
Adkładańnie listoŭ i nahadvańnie pra ich
Kali adkłaści list «na potym», jon časova źniknie z tečki «Uvachodnyja» — na toj čas, na jaki vy jaho adkładziecie.
A funkcyja «padšturchoŭvańnie» (Nudge) nahadaje vam pračytać list, jaki byŭ dasłany daŭno i patrabuje nieadkładnych dziejańniaŭ abo adkazu.
Heta stała dastupnym dziakujučy vykarystańniu technałohij štučnaha intelektu.
Panel instrumientaŭ
Novaja panel instrumientaŭ, što mieścicca sprava, dazvalaje karystacca ŭbudavanym kalendarom i rabić natatki.
