U Rasii za hvałt z padčarki zatrymany 45-hadovy biełarus
Palicyja ŭ Pieciarburhu zatrymała 45-hadovaha mužčynu, jakoha padazrajuć u hvałcie z 12-hadovaj padčarki. Pa dadzienych miascovych ŚMI, havorka idzie pra biełarusa, adznačaje Tut.by.
«Pa viersii śledstva, padazravany z červienia 2017 hoda da krasavika 2018 hoda, znachodziačysia ŭ kvatery adnaho z damoŭ pa Omskaj vulicy, nieadnarazova ździajśniaŭ hvałtoŭnyja dziejańni seksualnaha charaktaru ŭ dačynieńni da niepaŭnaletniaj 2006 hoda naradžeńnia, jakaja źjaŭlajecca dačkoju jahonaj sužycielki», — paviedamlaje Śledčy kamitet Rasii.
Jak piša miascovaje vydańnie «Mojka78» sa spasyłkaj na ŭłasnyja krynicy, zatrymany — hramadzianin Biełarusi. U palicyju źviarnułasia siabroŭka siamji. Žančyna daviedałasia pra toje, što zdaryłasia, ad maci dziaŭčynki padčas pierapiski ŭ sacsietkach. Pra fihuranta viadoma, što jon nidzie nie pracuje i žyvie biez rehistracyi.
