U Maskvie skrali barakamieru Haharyna?
U Maskvie vykrali barakamieru, u jakoj prachodzili treniroŭki kasmanaŭtaŭ, paviedamlaje TASS.
Z zajavaj ab kradziažy ŭ palicyju Rasii 10 krasavika źviarnuŭsia supracoŭnik adnaho z maskoŭskich muziejaŭ. Jon raspavioŭ, što barakamiera była vykradziena z adkrytaj aŭtastajanki ŭ rajonie Strohina, kudy jaje dastavili dla restaŭracyi. Raspačataja kryminalnaja sprava.
Pavodle źviestak tielehram-kanała Mash, u vykradzienaj barakamiery treniravalisia pieršyja savieckija kasmanaŭty, u tym liku Jury Haharyn.
U pres-słužbie Muzieja kasmanaŭtyki, u svaju čarhu, ahienctvu «Maskva» paviedamili, što pakul nie vyśvietlena, ci idzie havorka pra barakamieru, jakuju vykarystaŭ mienavita «pieršy atrad kasmanaŭtaŭ».
Paśla zaviaršeńnia atrybucyi i restaŭracyi barakamieru płanavali pieradać u Muziej kasmanaŭtyki.
