Snapkoŭ: Duisburger Hafen stanie akcyjanieram «Vialikaha kamienia». Heta epachalna
Hiermanskaja kampanija Duisburger Hafen AG moža stać akcyjanieram SZAT «Kampanija pa raźvićci industryjalnaha parku» u siaredzinie maja. Pra heta ŭ prahramie «Tydzień» na telekanale STB paviedamiŭ namieśnik kiraŭnika Administracyi prezidenta Mikałaj Snapkoŭ, infarmuje BIEŁTA.
Pakul što akcyjanierami SZAT «Kampanija pa raźvićci industryjalnaha parku» źjaŭlajucca biełaruskija (32%) i kitajskija struktury. Najbujniejšaja łahistyčnaja kampanija Duisburger Hafen AG źjaŭlajecca uładalnikam i apierataram raźmieščanaha na Rejnie porta Dujsburh. Duisburger Hafen abjadnoŭvaje kala 300 kampanij, va ŭłasnaści jakich znachodzicca bolš za 20 tysiač sudnaŭ i 25 tysiač ciahnikoŭ. Duisburger Hafen zajmaje adno ź viadučych miescaŭ pa pieravałcy hruzavych kantejnieraŭ.
«My pazicyjanujem siabie, i tak jano jość, jak skazaŭ Si Czińpin, što Park — žamčužyna «Pojasa i šlachu»… Łohika prostaja: Urumčy (Sińczian-Ujhurskaja aŭtanomnaja akruha) pazicyjanujecca jak łahistyčny chab na Šaŭkovym šlachu, a kančatkovy punkt — Dujsburh», — adznačyŭ Mikałaj Snapkoŭ. Pavodle jaho, dźvie traciny kantejniernych ciahnikoŭ z Kitaja spyniajucca ŭ Dujsburhu, a pamiž imi — park «Vialiki kamień». Tamu łahična, što i kitajski, i niamiecki baki ŭdzielničajuć u prajekcie. Heta śviedčyć ab tym, što jany buduć zacikaŭlenyja nakiroŭvać hruzy praz park.
Snapkoŭ zajaviŭ, što padpisańnie dakumientaŭ i praviadzieńnie tranzakcyi pa kupli akcyj čakajecca ŭ siaredzinie maja. «Pasiedžańnie Rady akcyjanieraŭ adbyłosia. Hetaja ździełka była ŭchvalena jašče raz. Liču, što dla parka jana źjaŭlajecca epachalnaj», — padkreśliŭ Snapkoŭ.
