Biełaruski Svabodny teatr hanaravany Mižnarodnym pryzam Vacłava Haveła
Biełaruski Svabodny teatr hanaravany Mižnarodnym pryzam Vacłava Haveła dla tvorčych inšadumcaŭ (Václav Havel International Prize for Creative Dissent). Jon budzie ŭručany 30 maja ŭ Osła, u zale Oslo Freedom Forum, dzie ŭručajecca Nobieleŭskaja premija miru. Pra heta na svajoj staroncy ŭ fejsbuku paviedamlaje Mikałaj Chalezin — kiraŭnik Biełaruskaha Svabodnaha teatra.
Druhim łaŭreatam pryza ŭ hetym hodzie staŭ Emanuel Džał, chip-chop vykanaŭca z Paŭdniovaha Sudana, jaki zmahajecca za maładych ludziej, jakija vychoŭvajucca ŭ pieryjad vajny, jakaja doŭžycca bolš za dvaccać hadoŭ.
Premija Vacłava Haveła, zasnavanaja Human Rights Foundation, adznačaje tych, chto z advahaj i kiemlivaściu vykryvaje chłuśnia dyktatury, žyvučy ŭ praŭdzie. Sioleta łaŭreaty padzielać pamiž saboj pryz u 350000 narviežskich kron.
