Źjaviŭsia sajt, jaki abjadnaje naviny pra supracoŭnictva Jeŭrasajuza z uschodnimi partniorami
Na veb-sajcie EU NEIGHBOURS ciapier dastupny novy instrumient, jaki abjadnoŭvaje naviny i artykuły ab supracoŭnictvie ES z uschodnimi krainami-susiedziami: Armienijaj, Azierbajdžanam, Biełaruśsiu, Hruzijaj, Respublikaj Małdova i Ukrainaj.
Płatforma 'EU NEIGHBOURS News' abjadnoŭvaje naviny i artykuły, apublikavanyja na movach aryhinału srodkami masavaj infarmacyi ŭ hetych šaści krainach.
U ciapierašni čas 32 ŚMI źjaŭlajucca častkaj płatformy, i hety lik budzie praciahvać raści. «EU NEIGHBORS News» abjadnoŭvaje kantent z dapamohaj RSS-kanałaŭ, dazvalajučy karystalnikam adnačasova adsočvać usie krynicy navin.
Instrumient moža vykarystoŭvacca dla pošuku artykułaŭ pa krainach, dacie abo temie. Ahrehatar navin prapanuje kantent na vaśmi movach: armianskaj, azierbajdžanskaj, biełaruskaj, hruzinskaj, rumynskaj, ukrainskaj, rasiejskaj i anhielskaj. Funkcyja pierakładčyka Google dastupnaja karystalnikam dla aŭtamatyčnaha pierakładu luboha artykuła na inšuju movu.
Veb-staronka EU NEIGHBOURS — heta infarmacyjny centr, metaj jakoha źjaŭlajecca aśviatleńnie vynikaŭ supracoŭnictva i partniorstva ES z 16 krainami Jeŭrapiejskaha susiedstva i demanstracyja ŭpłyvu dapamohi ES na štodzionnaje žyćcio ludziej. Z dapamohaj navin, publikacyj, videarolikaŭ, fota historyj, tematyčnych artykułaŭ i inšych materyjałaŭ veb-staronka raspaviadaje pra Jeŭrapiejskuju palityku susiedstva, padvyšajučy daśviedčanaść i pašyrajučy viedy aŭdytoryi pra jaje.
