Ekśpiert śćviardžaje, što raskryŭ tajamnicu budaŭnictva Stoŭnchiendža
Daśledavańnie historyka Majka Pitsa pakazała, što dva kamieni sa staražytnaha miehalityčnaha zbudavańnia Stoŭnchiendž, što ŭ Anhlii, stajali na tym miescy zadoŭha da taho, jak ludzi pačali tam svaju dziejnaść. Pra heta pišaDaily Mail.
Fota: Vikipiedyja.
Navukoviec śćviardžaje, što pieršapačatkova dva z najbujniejšych vałunoŭ kompleksu byli vypadkovym čynam raźmieščanyja tak, što z peŭnaha rakursu sonca ŭ samy doŭhi i karotki dzień hoda zachodzić i sadzicca naŭprost pamiž imi. Zaŭvažyŭšy takuju asablivaść, staražytnyja ludzi vyrašyli stvaryć na tym miescy vialikaje zbudavańnie.
Stoŭnchiendž uzvodziŭsia ŭ niekalki etapaŭ i ciapierašni vyhlad nabyŭ kala 3,5 tysiačy hadoŭ tamu. Niekatoryja z vałunoŭ ludziam davodziłasia pieranosić za niekalki sotniaŭ kiłamietraŭ. Ab pryznačeńni zbudavańnia chodziać roznyja viersii: jak miarkujecca, heta mahło być niejkaje sakralnaje miesca abo absiervatoryja.
Majk Pits zajmajecca vyvučeńniem staražytnaje historyi brytanskich ziemlaŭ i jość adnym ź niešmatlikich navukoŭcaŭ, što pravodziać raskopki na terytoryi Stoŭnchiendža.
