Pamior baćka Michaiła Žyźnieŭskaha
Pra heta na svajoj staroncy ŭ fiejsbuku paviedamiła hramadskaja aktyvistka Volha Nikałajčyk.
Biełarus Michaił Žyźnieŭski, jaki ŭ 2005-m hodzie byŭ vymušany pakinuć Radzimu, dapamahaŭ u hramadska-palityčnaj dziejnaści ŭkrainskim nacyjanalistam, byŭ siabram samaabarony padčas ukrainskaha Majdana 2013-2014 hadoŭ, zahinuŭ u čas žorstkich sutyknieńniaŭ demanstrantaŭ z praŭładnymi śpiecpadraździaleńniami na vulicy Hrušeŭskaha ŭ Kijevie 22 studzienia 2014 hoda.
26 listapada 2014 hoda ŭ Kijevie ŭstalavany pomnik Michaiłu Žyźnieŭskamu. Prezident Ukrainy Piotr Parašenka paśmiarotna ŭznaharodziŭ biełarusa ordenam Hieroja Niabiesnaj Sotni, a ŭ 2017 hodzie nadaŭ zvańnie hieroja Ukrainy. Baćka Michasia, taksama Michaił Žyźnieŭski, doŭhi čas pracavaŭ u Karelii, a kali viarnuŭsia ŭ Homiel, to bolš za 20 hadoŭ pracavaŭ ślesaram-santechnikam na zavodzie «Kryštal» i ŭ haradskim centry azdaraŭleńnia. Na piensiju vyjšaŭ u listapadzie 2015 hoda.
