Biełarus u stanie hłybokaj depresii zładziŭ u Italii pierastrełku z karabinierami
U Italii 30-hadovy vodapravodčyk, uradženiec Biełarusi, zładziŭ pierastrełku z karabinierami. Takim čynam jon chacieŭ skončyć žyćcio samahubstvam, paviedamlaje Tut.by sa spasyłkaj na La Stampa i La Repubblica.
Uradženiec Biełarusi Vital A., jaki pražyvaje ŭ Hasina-Taryneze niepadalok ad Turyna, unačy 6 krasavika niekalki razoŭ streliŭ u patrul karabinieraŭ, a zatym pasprabavaŭ schavacca ad ich na VW Golf.
Padčas pieraśledu jon niekalki razoŭ adkryvaŭ ahoń u bok palicyi, karabiniery ŭ adkaz stali stralać pa kołach aŭtamabila.
Paśla praciahłaj pahoni Golf z prabitym kołam byŭ zabłakavany karabinierami i darožnaj palicyjaj na vyjeździe z šašy. Pry zatrymańni jon nie supraciŭlaŭsia. Ni karabiniery, ni mužčyna ŭ incydencie nie paciarpieli.
Palicyja znajšła ŭ mašynie biełarusa paŭaŭtamatyčny pistalet, zaradžany chałastymi patronami. Padčas pieratrusu jany taksama znajšli zapisku, u jakoj mužčyna paviedamlaje pra svajo žadańnie pamierci ŭ pierastrełcy z palicyjantami i zahadzia prosić u ich prabačeńnia.
ŚMI adznačajuć, što biełarus znachodzicca ŭ stanie ciažkaj depresii.
