«Pryšelcu» z Rečycy tak i nie zrabili apieracyju: chvaroba pierajšła ŭ ankałohiju
«Naša Niva» raskazvała historyju prostaha rabotnika «Rečycadreva» Leanida Sasnoŭskaha.
«Tvaram staŭ jak pryšelec»: u Rečycy miedyki niedahladzieli mužčynu z hajmarytam, ciapier jon zastaniecca invalidam
Miascovyja daktary spačatku nie zmahli dyjahnastavać u jaho hajmaryt, potym lačyli nie ad taho.
U vyniku hnoj raźjeŭ chraščy i kostki tvaru, vočy raspaŭźlisia ŭ baki, vyhlad staŭ jak u pryšelca — u płatnaj klinicy schapilisia za hałavu i adpravili na apieracyju.
Ale, jak stała viadoma ciaham dadatkovaha abśledavańnia, apieracyju zrabić užo niemahčyma — na miescy hnajnikoŭ raźviłasia ankałohija.
«Apieracyju možna było rabić paru miesiacaŭ tamu, kali złajakasnych pracesaŭ jašče nie było.
U ankacentry ŭsie ŭ šoku ad rečyckich daktaroŭ, Leanid užo prajšoŭ pieršy kurs chimijaterapii, ciapier jon doma z mocnym hałaŭnym bolem.
Što budzie dalej, nieviadoma», — skazaŭ nam siabar mužčyny Aleh Šabietnik.