Times raspaviała pra łabaratoryju pa vytvorčaści «Navička» pad Saratavam
TASS
Miescam raspracoŭki bajavoha niervova-paralityčnaha rečyva, užytaha ŭ Sołśbiery suprać byłoha aficera HRU Siarhieja Skrypala i jaho dački Julii, źjaŭlajecca vajennaja daśledčaja baza ŭ zakrytym horadzie Šychany ŭ Sarataŭskaj vobłaści. Pra heta paviedamlaje hazieta The Times.
Pa dadzienych vydańnia, takija źviestki pradstaŭniki brytanskaj raźviedki ahučyli na bryfinhu dla sajuźnikaŭ. Bryfinh pravodziŭsia dla taho, kab pierakanać suśvietnych lidaraŭ u datyčnaści Rasii da atručvańnia Skrypala z vykarystańniem rečyva «Navičok».
U Šychanach raźmieščany Centralny navukova-daśledčy vyprabavalny instytut, jaki «źjaŭlajecca hałaŭnym u Ministerstvie abarony pa prablemach radyjacyjnaj, chimičnaj i bijałahičnaj abarony», kazaŭ u 2008 hodzie načalnik instytuta, pałkoŭnik Siarhiej Kuchotkin, piša RBK.
