Biełarus vioz u Litvu budmateryjały. Jany akazalisia radyjeaktyŭnyja
Pamiežniki nie prapuścili ŭ Litvu ź Biełarusi ciahač z rasijskimi numarami z radyjeaktyŭnym hruzam — budaŭničymi materyjałami, uzrovień radyjacyi jakich u 7,5 razoŭ pieravyšaŭ normu. Byłyja va ŭžyvańni cehłu i błoki tranzitam praź Litvu płanavałasia vieźci ŭ Hiermaniju, piša DELFI.
Fota: kurier.lt
U Salečniki ź Biełarusi prybyŭ ciahač Volvo z paŭpryčepam Schmitz, jon prajazdžaŭ praz ustalavanaje na KPP stacyjanarnaje abstalavańnie dla vymiareńnia ianizujučaha vypramieńvańnia. Abstalavańnie zafiksavała pieravyšeńnie dapuščalnaj normy.
I na ciahačy i na paŭpryčepie byli rasijskija numary. Ciahačom kiravaŭ 24-hadovy hramadzianin Biełarusi. Asabistyja dakumienty i dakumienty na mašynu ŭ jaho byli ŭ paradku. U paŭpryčepie znachodzilisia byłyja ŭ karystańni budaŭničyja materyjały: cehła i błoki. Ich vieźli ŭ Hiermaniju.
Uzrovień radyjacyi budaŭničych materyjałaŭ skłaŭ 1,5 mikrazivierta za hadzinu. Dapuščalny fon składaje 0,2 mikrazivierta za hadzinu. Pamiežniki vyjavili krynicu vypramieńvańnia — heta izatop Radyj-226.
Litoŭskija pamiežniki nie dali ciahaču prajechać u Litvu. Jaho viarnuli ŭ Biełaruś.
