ZŠA dajuć Ukrainie 620 młn dalaraŭ na abaronu
ZŠA pavialičyli vydatki dla Ukrainy da 620 młn dalaraŭ, kab padtrymać jaje ŭ śfiery abarony i biaśpieki. Pra heta paviedamiŭ prezident Ukrainy Piotr Parašenka.
«Udziačny prezidentu Trampu i Kanhresu ZŠA za padtrymku biudžetnaha zakona, jaki praduhledžvaje pavieličeńnie vydatkaŭ na padtrymku Ukrainy na 2018 hod, paćviardžajučy hałoŭnuju rolu ZŠA ŭ abaronie klučavych pryncypaŭ svabody i demakratyi», - napisaŭ Parašenka.
Pavodle jaho słoŭ, dapamoha ZŠA ŭzmocnić abaronny patencyjał Ukrainy.
Raniej paviedamlałasia, što ZŠA daduć Ukrainie supraćtankavyja rakietnyja kompleksy «Dževielin» (Javelin) za svoj košt.
Supraćtankavyja sistemy «Dževielin» kvalifikujuć jak śmiarotnym abarončaje ŭzbrajeńnie. Jany pryznačanyja dla paražeńnia braniatechniki, a taksama viertalotaŭ i BPŁA, jakija znachodziacca na nievialikaj vyšyni.
Raniej u Dziarždepie adznačyli, što hetaje rašeńnie - častka namahańniaŭ ZŠA dapamahčy Ukrainie abaranić svaju terytaryjalnuju cełasnaść i «strymać dalejšuju ahresiju». Rasiju hetyja paviedamleńni aburyli.