Biełaruskija miratvorcy praviali vučeńni ŭ Rasii: vajavali z apazicyjaj i sieparatystami
Na palihonie pad Uljanaŭskam adbylisia sumiesnyja biełaruska-rasijskija vučeńni miratvorčych sił.
Pa lehiendzie vučeńniaŭ, kraina Damasija paprasiła dapamohi: jaje ŭradavyja siły vajujuć z atradami «umieranaj» (jak pišuć na vajskovych sajtach) apazicyi, aktyvizavalisia sieparatysty.
Padčas vučeńniaŭ miratvorcy adpracavali vysotnaje desantavańnie z vyšyni troch kiłamietraŭ, supraćdziejańnie bieśpiłotnikam i atradam «sieparatystaŭ». Taksama jany vučylisia akazvać dapamohu mirnamu nasielnictvu, jakoje začapiła bajavymi dziejańniami.
Videa Ministerstva abarony Biełarusi
«Sumiesnaja apieracyja vykanana. Stvorany ŭmovy dla dalejšaha mirnaha suisnavańnia Damasii, kanstytucyjny ład i terytaryjalnaja cełasnaść dziaržavy zachavanyja. Dziejnaść ekstremisckich arhanizacyj spyniena», — piša pra vučeńni hazieta «Vo słavu rodiny».
