Łukašenka pryznaŭsia, što pahladzieŭ «Śmierć Stalina» i «Macildu»
«U mianie padazreńni, što śpiecyjalna zładzili šumichu, kab padahreć intares da hetych filmaŭ. Ni adzin, ni druhi hetaha nie zasłužvaje. Ja navat paškadavaŭ, što čas patraciŭ», — skazaŭ kiraŭnik Biełarusi na sustrečy z tvorčaj moładździu.
Što tyčycca «Macildy», to kiraŭnik Biełarusi acaniŭ «pryhožuju apieratarskuju pracu», a jašče dapuściŭ, što siužetnaja linija «moža być praŭdaj».
«Macilda» apaviadaje historyju kachańnia impieratara Mikałaja II i baleryny Macildy Kšesinskaj. U Rasii hety film vyklikaŭ abureńnie pravasłaŭnaj carkvy.
«Tannaja kamiedyja», — tak Łukašenka acharaktaryzavaŭ brytanski film «Śmierć Stalina».
Pry hetym Łukašenka adznačyŭ, što adna z asnoŭnych idej filma — heta parušeńnie pravoŭ čałavieka, kali žyćcio asobnych ludziej nie staviłasia ni ŭ hroš. «Pastupać tak niedapuščalna: ni dla Stalina, ni dla kaho».
«Śmierć Stalina» — čornaja kamiedyja, jakaja apaviadaje pra padziei 1953 hoda, śmierć pravadyra, a taksama baraćba za ŭładu paśla jaje. U Rasii hetaja stužka była zabaronienaja, a ŭ Biełarusi — nie.
