Litoŭski bok budzie vyśviatlać, čamu biełarusku tak pilna nadhladali na miažy
Hiedyminas Kulikauskas, pradstaŭnik kryminalnaj słužby litoŭskaj mytni, paćvierdziŭ Delfi, što nadhlad Niki Košar sapraŭdy pravodziŭsia.
Nika Košar. Fota sa staronki ŭ fejsbuku.
Mutnaja historyja: biełaruska, jakaja zajmajecca mahijaj, śćviardžaje, što ŭ aeraporcie Vilni joj hvałtoŭna zrabili endaskapiju
«Reahujučy na infarmacyju ŭ sacyjalnych sietkach pra nibyta niepravamiernyja pavodziny supracoŭnikaŭ mytni padčas nadhladu hramadzianki Biełarusi, my infarmujem, što 15 sakavika ŭkazanaja asoba sapraŭdy była pravieranaja ŭ aeraporcie Vilni pa padazreńni ŭ kantrabandzie narkotykaŭ. U ciapierašni čas pravodzicca rasśledavańnie abstavinaŭ i chodu nadhladu, a taksama — ci nie była padčas pravierki asoby parušanaja pracedura, ustanoŭlenaja dla takich vypadkaŭ. Pa zaviaršeńni rasśledavańnia my nieadkładna paviedamim vam pra vyniki», — havorycca ŭ kamientary Hiedyminasa Kulikauskasa.
