U Aŭstralii ŭžo niekalki dzion fiksujuć vielmi mahutnyja radyjoimpulsy nieviadomaha pachodžańnia z kosmasu
Aŭstralijskija daśledčyki z Absiervatoryi Parksa zafiksavali rekordna chutki radyjoimpuls. Viadoma ŭžo bolš za try dziasiatki sihnałaŭ takoha typu, adnak navukoŭcam dahetul nieviadomaja krynica ich pachodžańnia, paviedamlajePhys.org.
Chutkimi radyjoŭsploskami nazyvajuć adzinkavyja mahutnyja radyjoimpulsy z kosmasu, jakija doŭžacca niekalki milisiekund. Ich pachodžańnie pakul nieviadomaje, ale vierahodnymi krynicami navukoŭcy ličać pulsary, niejtronnyja zorki, kaśmičnyja struny abo inšapłanietnikaŭ.
Pieršy padobny impuls byŭ zafiksavany ŭ 2001 hodzie radyjoteleskopam ŭ Aŭstralii, dadzienyja ź jakoha apracavali tolki da 2007 hoda. Z tych časoŭ paćvierdžana isnavańnie jašče 32 chutkich radyjoŭsploskaŭ.
Novy impuls, u 4,5 razy macniejšy za papiaredniaha «rekardsmiena», zafiksavali 9 sakavika 2018 hoda.
Hetaja padzieja stała častkaj sieryi z troch usploskaŭ, zafiksavanych z roźnicaj u niekalki dzion: pieršy dajšoŭ da Ziamli 1 sakavika, druhi — 9 sakavika, treci — 11 sakavika. Raniej tak časta takija impulsy nie fiksavalisia, što vielmi ździviła navukoŭcaŭ.