«Sarvaŭsia na biaśsille»: u Lidzie syn zabiŭ maci, bo taja ŭpała i nie mahła ŭstać
Sumiesnaja siamiejnaja papojka skončyłasia trahiedyjaj.
Sama historyja adbyłasia jašče ŭ lutym 2017 hoda. 30-hadovy žychar Lidy časta vypivaŭ razam z maci-piensijanierkaj. Niaredka biŭ i jaje, i baćku.
I voś u lutym žančyna atrymała piensiju. Razam z synam dobra vypili. Ranicaj jana schadziła pierakuryć, a paśla zvaliłasia na padłohu. Syn pasprabavaŭ padniać jaje, pasadzić na stuł, ale žančyna iznoŭ ŭpała. Tady mužčyna razłamaŭ stuł i pačaŭ bić maci nožkaj, zatym rukami, paśla schapiŭ pras.
Žančyna pamierła.
Adrazu paśla taho zabojstva syn źjechaŭ u Rasiju. Z Sankt-Pieciarburha jon patelefanavaŭ svajoj dziaŭčynie i skazaŭ: «Kali ty daviedaješsia, nikoli mnie nie daruješ», a potym paviedamiŭ, što zabiŭ maci, udaryŭšy pa hałavie. Patelefanavaŭ siastry, paprasiŭ, kab taja zajšła da maci. Ab tym, što zdaryłasia kachanka mužčyny paviedamiła jaho svajačcy ŭ «Adnakłaśnikach».
Mužčynu znajšli i zatrymali. Niadaŭna adbyŭsia sud.
Svaju vinu mužčyna pryznaŭ častkova, maŭlaŭ, namieru na pazbaŭleńnie žyćcia maci nie mieŭ, prosta chacieŭ joj nanieści cialesnyja paškodžańni, tamu što «sarvaŭsia» na jaje biaśsille padniacca, paviedamlaje milicyja Hrodzienskaj vobłaści.
U vyniku mužčynu pryznali vinavatym u zabojstvie. Jon atrymaŭ 15 hadoŭ kałonii ŭzmocnienaha režymu. Tam ža jaho buduć prymusova lačyć ad ałkahalizmu.
