Mačanka dla čempijona: Vital Hurkoŭ u novym kulinarnym šou «Ja nie budu heta jeści»
Hieroj novaha vypusku kulinarnaha šou telekanała «Biełsat» — 12-razovy čempijon śvietu pa tajskim boksie i vakalist hurta Brutto Vital Hurkoŭ.
Niahledziačy na toje, što supiernikaŭ pa rynhu Vital «močyć» rehularna, suhučnaja strava «mačanka» ź dziacinstva vyklikała ŭ jaho ahidu. U terapieŭtyčnym šou «Ja nie budu heta jeści!» vylečvajuć kulinarnyja traŭmy viadomych biełarusaŭ. Šef-kuchary Volha Pryharava i Alaksandr Čykileŭski zrobiać aŭtarskija rymiejki hetaj kultavaj dla biełaruskaj kuchni stravy. Ci spadabajucca jany Vitalu? Hladzicie sami!
U papiarednich sieryjach Volzie i Alaksandru ŭdałosia nakarmić Arcioma z hrupy «Naviband» bulbianoj babkaj. A viadomaha dyzajniera Uładzimira Ceślera - ździvić tym, što siomhu možna nie tolki pasmažyć na patelni, pasypaŭšy sollu i piercam.
U hetym vypusku «Ja nie budu heta jeści!» Vy daviedajeciesia, čamu ŭ dziacinstvie Vitala Hurkova błytali ź dziaŭčynkaj i što jon jeść na śniadanak, a taksama pabyvajecie ź im na treniroŭcy.
