Pasoł Rasii Surykaŭ: Iskry pamiž nami ŭźnikajuć, asabliva ŭ halinie ekanamičnych adnosin
Vyniki prezidenckich vybaraŭ, jakija projduć u Rasii 18 sakavika, nie paŭpłyvajuć na biełaruska-rasijskija adnosiny. Pra heta, jak pieradaje TASS, paviedamiŭ u niadzielu pasoł Rasii Alaksandr Surykaŭ u efiry biełaruskaha kanała ANT.
«Nie dumaju, što mohuć paŭpłyvać. U nas daŭnija brackija adnosiny pamiž narodami i krainami, my daŭno vyznačylisia, čaho chočam, utvaryli Sajuznuju dziaržavu, — skazaŭ jon. — Iskry pamiž nami ŭźnikajuć, asabliva ŭ halinie ekanamičnych adnosin, naprykład, pa vuhlevadarodach, ale ničoha takoha, što mahło surjozna paŭpłyvać na farmat adnosin, ja nie baču «. Na dumku dypłamata, vybary ŭ Rasii mohuć «tolki ŭmacavać ŭsie farmaty supracoŭnictva».
«Kali kazać pra Jeŭrazijski ekanamičny sajuz, to jon siońnia zacykliŭsia tolki na čatyroch ekanamičnych svabodach, a Sajuznaja dziaržava značna šyrejšaja pa achopie — heta mižnarodnaja i abaronnaja sumiesnaja dziejnaść, vajenna-techničnaje supracoŭnictva, uzajemadziejańnie ŭ halinie kultury i adukacyi», — skazaŭ Surykaŭ. Pavodle jaho, pa svajoj intehracyjnaj sile Sajuznaja dziaržava značna bolš mahutnaja za luboje inšaje abjadnańnie na postsavieckaj prastory. «Jana samaja prasunutaja», — skazaŭ Surykaŭ.
Kamientujučy apošnija sprečki pa pastaŭkach biełaruskaj pradukcyi ŭ Rasiju, Surykaŭ padkreśliŭ, što padobnyja iskry pavinny hasicca «sumiesnymi kansultacyjami rasijskich i biełaruskich słužbaŭ i znachodžańniem kansiensusu ŭ vyrašeńni taho ci inšaha pytańnia pa jakaści pradukcyi».
