Futbalista vydalili z pola z-za proźvišča
Sky Sports
U matčy paŭprafiesijnych anhlijskich kamand «Chemieł Chempsted Taŭn» i «Ist Taroka» adbyŭsia kurjozny epizod, źviazany z vydaleńniem futbalista Sančeza Uota (Sanchez Watt). Pra heta ŭ svaim tvitary paviedamiŭ žurnalist Oli Bejlis.
Z-za taho, što na majkach futbalistaŭ byli napisanyja vyklučna numary, dla vyniasieńnia papiaredžańnia sudździa matča byŭ vymušany spytać u hulca jaho proźvišča. Adkaz Uota jon pryniaŭ za ździek i pakazaŭ futbalistu pramuju čyrvonuju kartku. Proźvišča 27-hadovaha brytanca suhučnaje z pytańniem «What» («što» — u pierakładzie z anhlijskaj).
Paźniej hulcam «Chemieł Chempstied Taun» udałosia asprečyć rašeńnie arbitra i hulec viarnuŭsia na pole. Matč zaviaršyŭsia pieramohaj «Chemieła» ź likam 2:0. Adzin ź miačoŭ zabiŭ Uot.
