U internacie rasijskaha horada Siarova znoŭ vyras «fiekalny stałahmit» VIDEA
U adnym ź internataŭ horada Siarova Śviardłoŭskaj vobłaści znoŭ pačaŭ raści stałahmit ź fiekalijaŭ. Pra heta haziecie «Hłobus» raspaviali sami žychary.
Miesca pracioku znachodzicca na druhim paviersie ŭ niežyłym błoku, adkul pa ŭsim padjeździe raznosicca smurod. Tam pa ŭsioj padłozie ŭtvaryŭsia płast zaledzianiełych fiekalijaŭ, častka jakich pratačyłasia na pavierch nižej i pieratvaryłasia ŭ ledziany słup žoŭta-karyčnieva-aranžavaha koleru. Taŭščynia stałaktyta ŭ niekatorych miescach — kala 20 santymietraŭ. Vydańnie adznačaje, što jon vyjšaŭ nie takim toŭstym, jak u minułym hodzie — žychary nie stali čakać, kali jon znoŭ dasiahnie vielizarnych pamieraŭ.
Hod tamu, u lutym 2017 hoda, u hetym internacie ŭpieršyniu źjaviŭsia fiekalny stałahmit. Ułady pryznavali, što dom znachodzicca ŭ žudasnym stanie, i abiacali raśsialić ludziej. Ź ledzianoj hłybaj žycharam tady daviałosia zmahacca svaimi siłami.