U Indyi baćka adsiek synu ruku, sprabujučy «vylečyć» jaho ad pornazaležnaści
U indyjskim horadzie Chajdarabad aryštavali mužčynu, jaki adsiek kiść ruki svajmu 19-hadovamu synu za zachapleńnie porna. Pra heta paviedamiła ahienctva IANS.
Adznačajecca, što 45-hadovy Machamied Kajum Kurejšy razzłavaŭsia, kali daviedaŭsia, što jaho syn Chaled šmat času nadaje prahladu darosłaha videa. Jak potym jon skazaŭ, zaležnaść syna adbivałasia nie tolki na jaho prafiesijnych dasiahnieńniach, ale i na samaadčuvańni.
Sprabujučy «vylečyć» syna, Kurejšy pajšoŭ na samyja radykalnyja miery i adsiek Chaledu, kali toj spaŭ, kiść pravaj ruki miaśnickim ciesakom. Zaraz paciarpieły znachodzicca ŭ špitali. Daktary miarkujuć, što pryšyć adsiečanuju kaniečnaść i adnavić jaje ruchalnyja funkcyi naŭrad ci ŭdasca.
Baćku maładoha čałavieka pradjavili abvinavačańnie ŭ zamachu na zabojstva.
