Ministram sportu i turyzmu staŭ achoŭnik Łukašenki
Na vysokija pasady pa-raniejšamu pryznačajucca vychadcy sa Słužby biaśpieki prezidenta. 5 sakavika Alaksandr Łukašenka pryznačyŭ novaha ministra sportu im staŭ 49-hadovy Siarhiej Kavalčuk, jaki ad 2004 hoda pracavaŭ u struktury SBP.
Kavalčuk rodam ź vioski Žuravok Ivanaŭskaha rajona. Ckončyŭ Adeskaje vyšejšaje artyleryjskaje kamandnaje vučylišča, u 1999-m — Vajskovuju akademiju. Z 1989 pa 2004 hod słužyŭ va Uzbrojenych Siłach. Z 2004 hoda - supracoŭnik Słužby biaśpieki. Uznaharodžany ordenam «Za słužbu Radzimie» III stupieni, miedalami «Za biezdakornuju słužbu» I, II i III stupieniaŭ.
Nahadajem, što jaho papiarednik Alaksandr Šamko byŭ adpraŭleny ŭ adstaŭku za karupcyju ŭ viedamstvie.
Raniej vychadziec sa Słužby biaśpieki ŭznačaliŭ AAC (Andrej Paŭlučenka), a inšy pradstaŭnik SBP (Mikałaj Łatyšonak) staŭ pamočnikam prezidenta pa ahulnych pytańniach.
