40-hadovy žychar Pinska zabiŭ maci i try nočy paliŭ u piečy jaje cieła
U Pinsku vyśviatlajucca abstaviny hibieli miascovaj žycharki, jakaja znachodziłasia ŭ vyšuku jak źnikłaja bieź viestak. Pa padazreńni ŭ zabojstvie zatrymany jaje 40-hadovy syn, piša Tut.by.
26 lutaha ŭ Pinski HAUS z zajavaj ab źniknieńni bieź viestak maci źviarnuŭsia žychar Pinska. Jon rastłumačyŭ, što ŭ pačatku lutaha jaho 75-hadovaja maci zabrała svaje rečy i nakiravałasia ŭ nieviadomym jamu kirunku.
Pravaachoŭniki vykazali zdahadku, što źniknieńnie žančyny moža mieć kryminalny charaktar.
Paźniej mužčyna pryznaŭsia, što ŭ noč z 3 na 4 lutaha ŭ chodzie svarki jon šturchnuŭ maci, u vyniku čaho jana stuknułasia hałavoj ab śmietnicu. Uviečary jon pabačyŭ, što maci pamierła. Try nočy mužčyna spalvaŭ jaje cieła ŭ chatniaj piečy. Mužčyna pazbaŭlaŭsia ad reštkaŭ pa častkach.
U dačynieńni da mužčyny raspačata kryminalnaja sprava za zabojstva. Ciapier padazravany znachodzicca ŭ izalatary časovaha ŭtrymańnia. Raniej jon sudzimy nie byŭ.