Navukoŭcy raspaviali, kolki razoŭ asteroidy zbliziacca ź Ziamloj da 2050 hoda i jakija ź ich najbolš niebiaśpiečnyja
Bujnyja asteroidy pamieram da adnaho kiłamietra ŭ dyjamietry ŭ bližejšyja 32 hady bolš za 10 razoŭ mohuć nablizicca da Ziamli na niebiaśpiečnyja adlehłaści, pieradaje RIAN sa spasyłkaj na centr «Antystychija».
Najbolš niebiaśpiečnym źjaŭlajecca asteroid Apofis (99942 Apophis) z dyjamietram 393 mietry. 13 krasavika 2029 hoda jon nablizicca da Ziamli na adlehłaść 38,4 tysiačy kiłamietraŭ, što blizka da vyšyni arbit hieastacyjanarnych spadarožnikaŭ (35,8 tysiačy kiłamietraŭ). Chutkaść zbližeńnia składzie 7,42 kiłamietra za siekundu.
Za 2017 hod bolš za 730 asteroidaŭ padyšli da Ziamli na adlehłaść mienš za 10 miljonaŭ kiłamietraŭ. Ź ich asteroidy dyjamietram zvyš 100 mietraŭ niebiaśpiečna zbližalisia ź Ziamloj amal 100 razoŭ.
Da bujnych kaśmičnych abjektaŭ adnosiacca asteroidy, dyjamietr jakich składaje bolš za kiłamietr. Na Ziamli viadoma kala 120 vielmi bujnych asteroidnych krataraŭ — astrablemaŭ. U Biełarusi takim jość Łahojski kratar dyjamietram kala 14 km, jaki ŭtvaryŭsia kala 38 miljonaj hod tamu paśla padzieńnia mietearyta dyjamietram bolš za 600 m.
Čytajcie: Łahojski kratar: hieołah raskazvaje, jak na Biełaruś upaŭ mietearyt i čamu na hetym miescy znachodzili ałmazy
Padzieńniem adnaho bujnoha mietearyta niekatoryja navukoŭcy tłumačać masavaje źniknieńnie žyvych arhanizmaŭ (kala 250 miljonaŭ hadoŭ tamu). Inšy mietearyt, pa hipotezie Łuisa Alvarasa, pryvioŭ da vymirańnia dynazaŭraŭ.
Paraŭnalna mienšyja abjekty taksama ŭjaŭlajuć surjoznuju pahrozu Ziamli, bo ich vybuchi pablizu nasielenych punktaŭ u vyniku ŭdarnaj chvali i nahrevu mohuć pryvieści da značnych razbureńniaŭ, suvymiernych z parazaj ad atamnaha vybuchu.
