Novyja padrabiaznaści trahiedyi ŭ Smarhoni: muž vyliŭ žoncy ŭ tvar kisłatu
28 lutaha ŭ Smarhoni adbyłasia šakujučaja historyja. 59-hadovy mužčyna katavaŭ žonku, a kali jana źbiehła, zakryŭsia ŭ chacie i zabiŭ siabie.
Miascovyja žychary raskazvali, što mužčyna vyrazaŭ žoncy na łbie niecenzurnaje słova i rezaŭ hienitalii.
Hetu infarmacyju nie kamientujuć ani śledčyja, ani prakuratura.
Ale namieśnik prakurora Smarhonskaha rajona Siarhiej Kavalčuk ahučyŭ novyja padrabiaznaści zdareńnia:
«Pavodle papiaredniaj viersii, pamiž mužam i žonkaj adbyłasia svarka na hlebie reŭnaści. U kvatery zachoŭvali elektralit — vadkaść na asnovie siernaj kisłaty dla zapraŭki akumulataraŭ. Śledstva papiarednie vyśvietliła, što mužčyna źbiŭ byłuju žonku, potym pluchnuŭ elektralitam joj u tvar, zatym nažom parezaŭ joj ściahno».
U toj ža kvatery žyŭ i darosły syn pary. Usio zdaryłasia, kali jon užo syšoŭ na pracu.
Siońnia žančyna ŭ balnicy. Jana pracavała vychavacielkaj u miascovym dziciačym sadku. Mužčyna byŭ biespracoŭnym, mieŭ prablemy sa zdaroŭjem (a pa čutkach, i ź psichikaj). Para była raźviedzienaja, ale žyła razam.
